ऊर्जा खबर
काठमाडौं । नेपाल विद्युत प्राधिकरण दिक्तेल वितरण केन्द्रको विद्युत सेवा ७ घन्टा बन्द हुने भएको छ । केन्द्रले ११ केभी लाइनमा भएको नाङ्मगाे तार हटाई इन्सुलेटेड कभर कन्डक्टर जडान गर्न १६ गते (बिहीबार) सेवा बन्द गर्न लागेको हो ।
केन्द्रका अनुसार बिहीबार दिउँसो १ बजेदेखि बेलुकी ७ बजेसम्म सेवा बन्द गरी काम गरिनेछ । लाइन बन्द हुँदा दिक्तेल रुपाकोट मझुवागढी नगरपालिकाको जिल्ला प्रशासन कार्यालय, त्रिवेनी चोक, पुरानो नगरपालिका, भवन गैरा, पुरानो पन्च माध्यामिक विद्यालय र आचार्य गाउँ क्षेत्रहरूमा विद्युत सेवा अवरुद्ध हुने केन्द्रले जनाएको छ ।
काम तोकिएको समयअगावै सम्पन्न भएमा निर्धारित समयअगावै सेवा सुरु गर्ने पनि केन्द्रले जानकारी दिएको छ ।
