ऊर्जा खबर
काठमाडौं । नेपाल विद्युत प्राधिकरणले खुल्ला प्रतिस्पर्धामार्फत सौर्य ऊर्जाको पीपीए (विद्युत खरिद सम्झौता) का लागि प्रस्ताव आह्वान गरेको छ । प्राधिकरणले अध्ययन भइरेहको, पहिचान भएको सौर्य आयोजनाको विद्युत खरिद प्रक्रिया अघि बढाउन प्रस्ताव आह्वान गरेको हो ।
प्रतियुनिट अधिकतम ५.९४ रुपैयाँमा पीपीए दर तोकेर १०० मेगावाटका लागि प्रस्ताव आह्वान गरिएको प्राधिकरणले जनाएको छ । अहिले प्रतियुनिट ७.३० रुपैयाँमा पीपीए भइरहेको छ । प्राधिकरणका अनुसार हाल विद्युत विकास विभागमा अध्ययन अनुमति लिएका वा नयाँ पहिचान भएका सबै आयोजनाले प्रस्ताव गर्न सक्नेछन् । आयोजनाको काम पीपीए भएको १८ महिनाभित्र पूरा गर्नुपर्नेछ ।
इच्छुकले २०७९ फागुन १४ गते अर्थात ९० दिनभित्र प्रस्ताव पेश गर्नुपर्नेछ । प्राधिकरणले २०७५ असार २६ गतेको निर्णय अनुसार प्रतियुनिट ७.३० रुपैयाँमा पीपीए गर्दै आएपनि अब नयाँ दर ५.९४ रुपैयाँमा पीपीए हुने प्राधिकरणले जनाएको छ ।
अहिले विभागमा १५२१.१५ मेगावाटका सौर्य आयोजना निर्माणका विभिन्न चरणमा छन् । अहिलेसम्म ३९ मेगावाटको सौर्य आयोजना राष्ट्रिय प्रसारण प्रणालीमा जोडिएको छ ।
थप जानकारीका लागि
