ऊर्जा खबर
.jpg)
काठमाडौं । पछिल्लो समयमा नेपालमा उत्पादित विद्युत खपत बढाउने व्यापक चर्चा चलिरहँदा आर्थिक वर्ष (आव) २०७९/८० को ११ महिनाको अवधिमा करिब २ लाख विद्युतीय चुलो आयात भएका छन् । आवको साउनदेखि जेठसम्मको अवधिमा उक्त परिणामको विद्युतीय चुलो नेपालमा भित्रिएका हुन् ।
भन्सार विभागका अनुसार जेठ सम्ममा १ लाख ९७ हजार ३ सय ७ वटा विद्युतीय चुलो आयात भएका छन् । त्यसमध्ये सबैभन्दा बढी इन्डक्सन चुलो रहेको छ । १ लाख २३ हजार ६ सय ५९ वटा इन्डक्सन चुलो र ७३ हजार ६ सय ४८ वटा इन्फारेट चुलो भित्रिएको विभागको वेपसाइटमा उल्लेख छ । अघिल्ले महिनामा १ लाख ६ हजार ९ सय २ वटा इन्डक्सन र ६९ हजार १ सय ६१ वटा इन्फारेट चुलो भित्रिएका थिए ।
आयात भएको इन्डक्सन मध्ये सबैभन्दा बढी चाइनबाट आएको विभागले जनाएको छ । चाइनाबाट १ लाख २ हजार ८ सय ९६ वटा, भारतबाट २० हजार ६ सय ९३ वटा, मलेसियाबाट ५० वटा, कतारबाट १४ वटा, सिंगापुरबाट ४ वटा चुलो भित्रिएका छन् । यस्तै, युनाइटेड अरब इमिरेट र युनाईटेड स्टेटबाट १÷१ वटा इन्डक्सन चुलो ल्याइएको छ ।
यसैगरी, चाइनाबाट ७१ हजार ६ सय ४७ वटा र २००१ वटा इन्फ्रारेट चुलो आयात भएको सार्वजनिक तथ्यांकमा उल्लेख छ । विद्युतीय चुलो प्रयोग गर्दा छिटो छरितो हुने र विजुलीको पनि खपत हुने भएकाले अहिले नेपाली जनाताहरु विद्युतीय चुलो प्रति लक्षित भएका छन् । एलपिजी ग्यास भन्दा सजिलो हुने भएकाले हाल नेपालले विद्युतीय चुलोलाई बढी प्राथामिकता दिनुका साथै प्रयोग गरेको पाइन्छ ।
