ऊर्जा खबर
काठमाडौं । प्रदेश नम्बर १ को विभिन्न जिल्लामा २४०० मेगावाटका विद्युत आयोजना निर्माणका विभिन्न चरणमा छन् । प्रदेशको १४ वटा जिल्लामा अध्ययन पूरा भएका आयोजना निर्माणको विभिन्न चरणमा छन् ।
विद्युत विकास विभागका अनुसार अध्ययन पूरा भई उत्पादन अनुमति पाएका २४८२ मेगावाटका आयोजनाले उत्पादन अनुमति लिई निर्माण अघि बढाएका छन् । प्रदेशको इलाम, झापा, पाँचथर, ताप्लेजुङ, तेह्रथुम, संखुवासभा, सोलुखुम्बु, भोजपुर, धनकुटा, खोटाङ, मोरङ, ओखलढुङ्गा, सुनसरी र उदयपुर जिल्लामा पहिचान भएका आयोजनाले उत्पादन अनुमति लिई निर्माणका विभिन्न चरणमा छन् ।
उत्पादन अनुमति पाएका यी आयोजनाहरू ९०० मेगावाट क्षमतासम्मका छन् । विभागका अनुसार सबैभन्दा ठुलो ९०० मेगावाटका अरुण–३ जलविद्युत आयोजना रहेको छ । यो आयोजना सतलुज जलविद्युत निगम लिमिटेडले अध्ययन सम्पन्न गरी २०७५ बैशाख २० गते उत्पादन अनुमति पाएको थियो ।
यस्तै, १०० मेगावाटदेखि ५०० मेगावाट क्षमता सम्मका ४१३ मेगावाटका आयोजनाले उत्पादन अनुमति पाएको विभागको तथ्याङ्कमा उल्लेख छ । २५ मेगावाटदेखि १०० मेगावाट सम्मका ७८७ मेगावाटका आयोजना, ५ मेगावाटदेखि २५ मेगावाट सम्मका ३७० मेगावाटका आयोजना र ५ मेगावाट भन्दा कम क्षमताका १२ मेगावाटका आयोजनाले उत्पादन अनुमति पाएको विभागले जानकारी दिएको छ ।
.jpg)
