ऊर्जा खबर
काठमाडौँ । लमजुङ जिल्ला भुलभुलेमा निर्माणाधीन ५० मेगावाटको मर्स्याङ्दी जलविद्युत् आयोजनामा खटाउनका लागि २४ प्राविधिक माग गरिएको छ । सिनो हाइड्रो–सगरमाथा पावर कम्पनी प्रालि अन्र्तगत निर्माणाधीन आयोजनामा खटाउन दक्ष तथा प्राविधिक माग गरेको हो ।
कम्पनीले विभिन्न विभागका लागि ५ जना ‘टिम लिडर’ माग गरेको छ । मर्मत विभागका लागि १, निरक्षण विभागका लागि २ र सञ्चालन विभागका लागि २ जना ‘टिम लिडर’ माग गरेको हो । मर्मत र सञ्चालन विभागमा काम गर्नका लागि मेकानिकल÷इलक्ट्रिकल इन्जिनियरिङमा स्नातक, निरक्षण विभागका लागि भने इलेक्ट्रिकल इन्जिनियरीङमा स्नातक गरेको हुनुपर्ने छ । यी सबैका लागि सम्बन्धित क्षेत्रमा ४ देखि ५ वर्ष काम गरेको अनुभव हुनुपर्नेछ ।
यसैगरी, मर्मत विभागका लागि थप ६ र सञ्चालन विभागका लागि पनि थप ४ जना प्राविधिक आवश्यक परेको कम्पनीले जानकारी दिएको छ । यसैगरी ८ जना सञ्चालक मागेको छ । यसका लागि सम्बन्धित विषयमा ३ देखि ४ वर्ष कार्यानुभव भएको र चिनियाँ तथा अग्रजी भाषामा सक्षम हुनुपर्नेछ ।
स्वस्थ्य सुरक्षा तथा वातावरण विभागका लागि १ जना चिकित्सक माग गरेको छ । यसका लागि पब्लिक हेल्थमा स्नातक गरेको, सम्बन्धित क्षेत्रमा ७ वर्षको अनुभव भएको हुनुपर्नेछ । यी सबैका लागि चिनियाँ तथा अंगे्रजी भाषामा सक्षम हुनुपर्ने कम्पनीले जनाएको छ ।
इच्छुक व्यक्तिले सूचना प्रकाशित भएको मितिले ७ दिनभित्रमा आवेदन दिइसक्नुपर्नेछ । आवेदकले आवेदन दिँदा बायोडाटा, नेपाली नागरिकताको प्रमाणपत्र, शैक्षिक योग्यताको प्रमाणपत्रको प्रतिलिपी, पासपोर्ट साइजको फोटोसहित बुझाउनुपर्नेछ ।
.jpg)
