ऊर्जा खबर
काठमाडौं । म्याग्दीमा ४० मेगावाटको राहुघाट जलविद्युत आयोजना निर्माण गरीरहेको रघुगंगा हाइड्रो पावर कम्पनी लिमिटेडमा रोजगारीको अवसर खुलेको छ । कम्पनीले ५ तहदेखि ८ तहसम्मका १४ स्थानको पदपूर्ति गर्न आवेदन खुल्ला गरेकाे हाे ।
आयोजना स्थलमा खटाउने गरी आवेदन खुल्ला गरेको कम्पनीले जनाएको छ । कम्पनीका अनुसार २ जना सिनियर सिभिल इन्जिनियर (तह ८), एक जना जियोलोजिस्ट (तह ७), २ जना सिभिल इन्जिनियर (तह ७), एक जना मेकानिकल इन्जिनियर (तह ७), एक जना इन्भारोमेन्टलिस्ट (तह ७), एक जना इलेक्ट्रिकल इन्जिनियर (तह ७), र एक जना इलेक्ट्रोनिक्स एण्ड कम्युनिकेसन इन्जिनियर (तह ७) माग गरिएको छ ।
यस्तै, ३ जना सिभिल ओभरसियर (तह ५), एक जना इलेक्ट्रिकल ओभरसेयर (तह ५) र एक जना मेकानिकल ओभरसेयर(तह ५) का लागि आवेदन खुल्ला गरिएको कम्पनीले जनाएको छ ।
इन्छुक व्यक्तिले सूचना जारी भएको मितिले दुई साता (माघ १० गते) भित्र आवेदन दिइसक्नु पर्ने कम्पनीले जनाएको छ ।आवेदकमध्ये शैक्षिक प्रमाणपत्र र सम्बन्धित क्षेत्रमा बढी अनुभव भएकाले रोजगारीको अवसर पाउनेछन् ।
आवेदकले बायोडाटा, फोटो, नेपाली नागरिकता प्रतिलिपि, शैक्षिक योग्यताको प्रमाणपत्रको प्रतिलिपि, कार्य अनुभवको प्रमाणपत्रसहित आवेदन बुझाउनु पर्नेछ । आवेदकले कम्पनीको वेबसाइटमा उपलब्ध फारम भरी दरखास्त पेश गर्नुपर्नेछ ।
थप जानकारीका लागि
