ऊर्जा खबर
काठमाडौँ । नेपाल विद्युत् प्राधिकरण, पोखरा वितरण केन्द्रले विद्युत् महसुल नबुझाउने सरकारी कार्यालयको लाइन काटेको छ । केन्द्रले माघ ७ गते (आज) बक्यौता महसुल नबुझाउने गण्डकी प्रदेशका दुई मन्त्रालय र एक सरकारी कार्यालयको लाइन काटेको हो ।
केन्द्रले महसुल नबुझाउने भूमि कृषि तथा सहकारी मन्त्रालय, पर्यटन उद्योग वाणिज्य आपूर्ति मन्त्रालय, र भूमि सुधार कार्यालयको लाइन काटेको केन्द्र प्रमुख राजिव सिंहले बताए । भूमि तथा कृषि मन्त्रालयका १८ हजार ३५८, पर्यटन तथा उद्योग मन्त्रालयको ९ हजार ३३६ र भूमि सुधार कार्यालयको ४७ हजार ६१७ रुपैयाँ महसुल बाँकी थियो ।
याे पनि पढ्नुहाेस ः विद्युत् महसुल नबुझाउने गण्डकीका तीन सरकारी निवासको लाइन काटियो
केन्द्रले चालु आर्थिक वर्ष (आव) साउन देखि माघ ५ गतेसम्मको अवधिमा २ हजार ६२१ ग्राहकको लाइन काटेको सिंहले बताए । उनका अनुसार यी ग्राहकबाट ४ करोड ५८ लाख १८ हजार ५९२ रुपैयाँ असुल गर्न बाँकी थियो ।
लाइन काटिएकामध्ये २ हजार १७६ ग्राहकको लाइन जोडिएको छ । यी ग्राहकबाट जरीवानासहित ३ करोड ७७ लाख २९ हजार २२६ रुपैयाँ असुल गरिएको पनि सिंहले जानकारी दिए । केन्द्रले ६० दिनभन्दा बढी बाँकी बक्यौता भएका ग्राहकहरूको लाइन काट्ने काम तिव्र गतिमा रहेको छ ।
याे पनि पढ्नुहाेस
विद्युत् महसुल नतिर्ने गण्डकीका १२ सरकारी कार्यालयको लाइन काटियो
पोखरा वितरण केन्द्रले २ कराेड बक्याैता नबुझाउने १२३६ ग्राहकको लाइन काट्यो
.jpg)
