ऊर्जा खबर
काठमाडाैं । नेपाल विद्युत् प्राधिकरण पोखरा वितरण केन्द्रले गण्डकीका तीन सरकारी निवासको लाइन काटेको छ । केन्द्रले करिब साढे २ लाख रुपैयाँ विद्युत् महसुल भुक्तानी नगर्ने गण्डकी प्रदेश प्रमुख कार्यालय, आन्तरिक मामिला तथा कानूनी र भौतिक पूर्वाधार विकास मन्त्रीको सरकारी निवासको लाइन काटेको हो ।
बारम्बार ताकेता गर्दा पनि विद्युत् महसुल नबुझाएपछि लाइन काटेको केन्द्र प्रमुख राजिव सिंहले जानकारी दिए । उनका अनुसार प्रदेश प्रमुख सरकारी निवासको ८६ हजार १८३ रुपैयाँ विद्युत् महसुल बाँकी थियो ।
यसैगरी, आन्तरिक मामिला तथा कानूनी मन्त्री निवासको ७७ हजार ९६३ रुपैयाँ र भौतिक पूर्वधार विकास मन्त्री आवासको ९१ हजार ९५७ रुपैयाँ बक्यौता थियो । अब, जरिवानासहितको बाँकी महसुल बुझाएपछि मात्र कार्यालयको लाइन जोडिनेछ ।
याे पनि पढ्नुहाेस्
विद्युत् महसुल नतिर्ने गण्डकीका १२ सरकारी कार्यालयको लाइन काटियो
पोखरा वितरण केन्द्रले दुई दिनमा २१७ ग्राहकको लाइन काट्यो
पोखरा वितरण केन्द्र अन्तर्गत सबैभन्दा बढी बक्यौता भएको कास्की कारागारको लाइन काटियो
पोखरा वितरण केन्द्रले २ कराेड बक्याैता नबुझाउने १२३६ ग्राहकको लाइन काट्यो
