ऊर्जा खबर
काठमाडौं । रामजानकी हाइड्रो पावर प्रालीले ३५.१५ मेगावाटको माथिल्लो अप्सुवा खोला जलविद्युत आयोजना निर्माण अघि बढाउन सार्वजनिक सुनुवाई गर्ने भएको छ । कम्पनीले उक्त क्षमताको आयोजना अघि बढाउन प्रदेश नम्बर १ संखुवासभा जिल्ला सिलीचोङ गाउँपालिका वडा नम्बर ५ (साविक याफु गाविस) र मकालु गाउँपालिका वडा नम्बर १ (साविक मकालु गाविस) मा सुनुवाई गर्न लागेको हो ।
प्रस्तावित आयोजनाको सार्वजनिक सुनुवाई कात्तिक २७ गते (आइतबार) विहान साढे ११ बजे सिलिचोक गाउँपालिका–गौथाला र सिलिचोक गाउँपालिका वडा नम्बर ५ को कार्यलयमा हुने भएको छ ।
प्रस्तावित जलविद्युत आयोजनाका लागि अप्सुवा खोलामा २० मिटर लम्बाई र ८ मिटर उचाईको बाँध निर्माण गरि २ मिटर अग्लो र २.३ मिटर चौडाई भएका ३ वटा इन्टेक मार्फत २ जटा चेम्बर भएको ६४ मिटर लम्बाई ९ मिटर चौडाईको बालुवा थिग्राउने ट्याङ्की निर्माण गरिनेछ ।
साे बालुवा थिग्राउने ट्याङकीबाट ५ सय मिटर तल प्रस्तावित विद्युत गृहमा पानी खसाली ३५.१५ मेगावाट विद्युत उत्पादन गरिने छ । परामर्शदातमा अपि इको कन्सल्टेन्सि एन्ड रिसर्च प्राली रहेको छ ।
