ऊर्जा खबर
काठमाडौं । नेपाल विद्युत् प्राधिकरणको पोखरा वितरण केन्द्रले २ करोड रुपैयाँ विद्युत् महसुल बक्यौता नबुझाउने १२ सय बढी ग्राहकको लाइन काटेको छ । केन्द्रले १० दिनको अवधिमा यी ग्राहकको लाइन काटेको हो ।
कात्तिक १२ गतेदेखि २३ गतेसम्मको अवधिमा १२३६ ग्राहकको लाइन काटेको केन्द्र प्रमुख राजिवकुमार सिंहले बताए । यी ग्राहकले २ करोड ४ लाख ९९ हजार ४०० रुपैयाँ बक्यौता महसुल बुझाउन बाँकी थियो ।
लाइन काटिएका ग्राहकमध्ये ८२३ ग्राहकले जरीवानासहितको बक्यौता महसुल बुझाएपछि लाइन पुनः जोडिएको छ । उनीहरूले १ करोड ३० लाख ४६ हजार ३२२ रुपैयाँ बक्यौता महसुल र ७ लाख ५ हजार ७२२ रुपैयाँ दस्तुर असुल गरिएको सिंहले बताए ।
केन्द्रले ६० दिनभन्दा बढी बक्यौता बाँकी भएका सबै ग्राहकको लाइन काटेको छ ।
