ऊर्जा खबर
काठमाडौं । भारतको इन्डियन आयल कर्पोरेसन (आईओसी) ले नेपालमा पेट्रोलियम पदार्थको मूल्य पुन बढाएर पठाएको छ । आईओसीले असार २ गते (बिहीबार) पेट्रोल, डिजेल, मट्टितेल र हवाई इन्धनको मूल्य बढाएर पठाएको हो ।
आइओसीले पठाएको मूल्य अनुसार पेट्रोलमा प्रतिलिटर ६.५२ रुपैयाँ, डिजेल/मट्टितेलमा १९.३ रुपैयाँ र हवाई इन्धनमा १९.९१ रुपैयाँ बढाएर पठाएको निगमले सार्वजनिक गरेको विज्ञप्तीमा उल्लेख छ ।
नयाँ मूल्य अनुसार पनि निगमलाई पेट्रोलमा प्रतिलिटर ३१.२८ रुपैयाँ, डिजेल/मट्टितेलमा ३७.१६ रुपैयाँ र हवाई इन्धनमा २.७० रुपैयाँ घाटा रहेको निगमले जनाएको छ । अब, पेट्रोलको खरिद मूल्य १८४.५२, डिजेलको १८४.०३ रुपैयाँ र हवाइ इन्धन (आन्तरिक) १८५.९१ रुपैयाँ पुगेको छ ।
खरिद मूल्य बढेरसँगै आगामी १५ दिनमा ४ अर्ब ७१ करोड रुपैयाँ घाटा हुने निगमको प्रक्षेपण छ । हवाई इन्धन (बाह्य) र मट्टितेलमा भने सामान्य नाफा रहेको निगमले जनाएको छ ।
भारतले गत जेठ २ गते पनि पेट्रोलियम पदार्थको मूल्य बढाएर पठाएको थियो । भारतबाट बढेर आएसँगै नपालमा पनि फेरी पेट्रोलियम पदार्थको मूल्य बढ्ने संकेत देखिएको छ । तर, निगमले यस सम्बन्धि कुनै निर्णय भने गरेको छैन् । निगमले गत जेठ २६ गते मात्र पेट्रोलियम पदार्थको मूल्य बढाएकाे थियाे ।
.jpg)
