ऊर्जा खबर
काठमाडौं । हिमालयन हाइड्रो पावर लिमिटेड र अरुण काबेली पावर लिमिटेडले विद्युत बिक्री गरी ६२ करोड रुपैयाँ भन्दा बढी आम्दानी गरेका छन् । कम्पनीले सार्वजनिक गरेको गरेको वित्तीय विवरण अनुसार २०७९/८० को तेस्रो त्रैमाससम्ममा सो आम्दानी गरेका हुन् ।
दुई कम्पनीले साउनदेखि चैतसम्ममा बिजुली बेचेर ६२ करोड २२ लाख २८ हजार ७ सय ८९ रुपैयाँ आम्दानी गरेको सार्वजनिका वित्तीय विवरणमा उल्लेख छ । याे गत वर्षको तुलनामा भने घटेको देखिएको छ । गत वर्षको यही समयअवधिमा दुई कम्पनीले ६२ करोड ४८ लाख ४६ हजार २ सय ५३ रुपैयाँ आम्दानी गरेका थिए ।
अरुण काबेलीले बिजुली बेचेर ५६ कराेड ५० लाख ७३ हजार र हिमालयन हाइड्रोले ५ कराेड ७१ लाख ५५ हजार रूपैयाँ कमाएकाे विवरणमा उल्लेख छ । दुवैकाे आम्दानी घटेकाे छ ।
यसैगरी, यो आवधिमा दुई कम्पनीले २२ करोड ९२ लाख ८५ हजार ३ सय ८० रुपैयाँ खुद नाफा कमाएका छन् । गत वर्षको तुलनामा कम्पनीको नाफा पनि घटेको हो । गत वर्ष यी दुई कम्पनीले २४ करोड ७७ लाख ७६ हजार १३ रुपैयाँ नाफा कमाएका थिए ।
अरुण काबेली पावर लिमिटेडको पाँचथर र ताप्लेजुङमाको सिमानामा २५ मेगावाटको काबेली बी-१ र हिमालयन हाइड्रो पावर लिमिटेडको कास्कीमा १२ मेगावाटको नामार्जुन मादी जलविद्युत आयोजना सञ्चालनमा छन् ।
.jpg)
