जलविद्युत् आयोजनामा खटाउने गरी जेड कन्सल्टले माग्यो इन्जिनियर

काठमाडौँ । जेड कन्सल्ट प्रालिले निर्माणाधीन र निर्माणमा जाने तयारीमा रहेका जलविद्युत् आयोजना खटाउने गरी इन्जिनियर माग गरेको छ । जलविद्युत प्रवर्द्धकद्वारा पहिचान भइ अघि बढेका आयोजनामा खटाउने गरी ओभरसेयर, इन्जिनियर माग गरिएको हो ।

कम्पनीले कम्पनीले सिभिल इन्जिनियर र सिभिल ओभरसेयर माग गरेको छ । सिभिल इन्जिनियरका लागि सिभिल इन्जिनियरीङ विषयमा स्नातक गरेको र ‘क्यू ए र क्यू सी’ हाइड्रो पावर आयोजनामा ३  वर्षको अनुभव भएको हुनुपर्नेछ ।

यसैगरी, ओभरसेयरका लागि सिभिलमा डिप्लोमा गरेको र ‘क्यू ए र क्यू सी’ मा ३ वर्षको अनुभव भएको हुनुपर्नेछ । टनेलमा खटाउनका माग गरिएको आवश्यक सिभिल इन्जिनियरका लागि भने सिभिल इन्जिनियरीङमा स्नातक गरी जलविद्युत् आयोजनाको सुरुङमा ३ वर्ष काम गरेको हुनुपर्ने छ ।

इच्छुक योग्य व्यक्तिले फागुन १३ गतेसम्म आवेदन दिनु पर्नेछ । आवेदन दिँदा बायोडाटा, नेपाली नागरिकताको प्रतिलिपि, शैक्षिक योग्यताको प्रमाणपत्रको प्रतिलिपि र पासपोर्ट साइजको फोटोसहित बुझाउनु पर्नेछ ।

सन् २००१ मा स्थापना भएको कम्पनीले जलविद्युत् आयोजना, प्रसारण लाइन, सडक, खानेपानी परियोजना, सिँचाई, सुरुङ लगायत पूर्वाधार निर्माणमा परामर्शदाताको रूपमा काम गरिरहेको छ ।