ऊर्जा खबर
काठमाडौं । न्यादी हाइड्रो पावर कम्पनीले विभिन्न पदमा कर्मचारी मागेको छ । कम्पनीले लम्जुङको रहेको ३० मेगावाटको न्यादी जलविद्युत आयोजनामा खटाउने गरी कर्मचारी माग गरेको हो ।
विद्युत केन्द्रका लागि इलेक्ट्रीकल इन्जिनियर, मेकानिकल इन्जिनियर, प्राविधिक अधिकृत, पावरप्लान्ट हेडक्वटर्स अपरेटर,हेडक्वटर्स जुनियर अपरेटर, विद्युतकेन्द्र सहयोगी र ओभरसियरको पदपुर्ति गर्न आवेदन खुलाइएको कम्पनीले जनाएको छ । इलेक्ट्रीकल इन्जिनियर र इलेक्ट्रिक अधिकृतका लागि इलेक्ट्रिकल इन्जिनियरीमा स्नातक उत्तिर्ण गरेको हुनुपर्नेछ ।
यस्तै, मेकानिकल इन्जिनियर र मेकानिकल अधिकृतका लागि मेकानिकल इन्जिनियरिङ विषयमा स्नातक उत्तिर्ण गरेको हुनुपर्नेछ । मेकानिकल र इलेक्ट्रोनिकल पावरप्लान्ट हेडक्वटर्सकाे लागि सरकारबाट मान्यता प्राप्त संस्थाबाट ओभरसियर उत्तिर्ण गरेको हुनुपर्नेछ ।
पावरप्लान्ट/हेडवक्र्सका लागि जुनियर अपरेटरको पद रिक्त रहेको कम्पनीले जनाएको छ । यसका लागि मान्यताप्राप्त शिक्षण सस्थाबाट सब–ओभरसियर उत्तिर्ण गरेको हुनुपर्नेछ । विद्युतकेन्द्र सहयोगिका लागि एसइइ र सिभिल ओभर सियरका लागि मान्यताप्राप्त शिक्षण संस्थाबाट ओभरसेयर उत्तिर्ण गरी एक वर्षको अनुभव हुनुपर्नेछ ।
आवेदकले वायोडाटा, नेपाली नागरिकताको प्रतिलिपी, शैक्षिक योग्यताको प्रमाणपत्रको प्रतिलिपी र पासपोर्ट साइजको फोटो सहित आवेदन बुझाउनु पर्नेछ ।
इच्छुक व्यक्तिले चैत २९ गतेसम्म आवेदन दिनुपर्नेछ । आवेदकमध्ये शैक्षिक प्रमाणपत्र र सम्बन्धीत क्षेत्रमा बढी कार्यअनुभव भएकाले रोजगारीको सुर्वण अवसर पाउनेछ ।
