ऊर्जा खबर
काठमाडौं । काडमाडौं विश्वविद्यायल (केयू) ले स्थापना गरेको हरित हाइड्रोजन ल्यावका लागि स्वतन्त्र ऊर्जा उत्पादकहरुको संस्था, नेपाल (इपान) र केयूबीच समझदारीपत्र (एमओयू) मा हस्ताक्षर भएको छ । शनिबार (चैत १९ गते) देखि सुरु भएको हिमालयन हाइड्रो एक्स्पोमा सम्झौतापत्रमा हस्ताक्षर भएको हो ।
सम्झौतापत्रमा काठमाडौं विश्वविद्यालयको, स्कुल अफ इन्जिनियरीङका डिन प्राध्यापक डा. मनिष पोखरेल र इपानका तर्फबाट अध्यक्ष कृष्ण प्रसाद आचार्यले हस्ताक्षर गरे ।
सम्झौता अनसार केयू र इपानले सहकार्य गरेर जलविद्युत केन्द्रका लागि इलेक्ट्रो मेकानिकल उपकरण डिजाइन गर्ने, सञ्चालन र मर्मत केन्द्र स्थापना गर्ने केयूका सहप्राध्यापक विराजसिंह थापाले बताए । उनका अनुसार हरित हाइड्रोजन अनुसन्धान कोषको विकासमा सहज पुग्नेछ ।
ऊर्जा उत्पादकहरुले उत्पादन गरेको विद्युतलाई हाइड्रोजन ल्यावमा खपत बढाउने तथा आउने दिनहरुमा ऊर्जा उत्पादन र खपतको विषयमा संयुक्त रुपमा अनुसन्धान गरिनेछ । हाइड्रोजन ऊर्जा उत्पादनका लागि केयूले ग्रिन हाइड्रोजन ल्याब स्थापना गरिसकेको छ ।
