ऊर्जा खबर
काठमाडौं । नेपाल विद्युत प्राधिकरण दिक्तेल वितरण केन्द्रले खोटाङकाे केपिलास गढि गाउँपलिकामा रहेकाे ४ वटा धान कुट्ने राइस मिल र ५ घरधुरीको विद्युत लाइन काटेको छ । केन्द्रका चुहावट नियन्त्रणमा खटिएका टाेलीले यी ग्राहकहरूले विद्युत चोरी गरेर प्रयाेग गरेको भन्दै लाइन काटेको हो ।
विद्युत चुहावट नियन्त्रणको क्रममा गाउँपलिकाकाे वासपानि, वाक्सिला, सप्तेश्वर र दित्तेलका राइसमील र व्यक्त्रिगत प्रयाेजनाका लागि विद्युत चोरी गरी प्रयोग गरेको भेटिएकाे केन्द्रले जनाएकाे छ । केन्द्रका अनुसार विद्युत चुहावट नियन्त्रण गर्ने क्रममा लाइन काटिएको हो ।
नियमअनुसारको जरिवाना र सो वरावरको हानि नोक्सानि गरी डब्बल दस्तुर असुली गरेपछि मात्र लाइन पुन जाेडिने पनि केन्द्रले जनाएकाे छ । विद्युत प्रयोग गर्ने ग्राहकलाई विद्युत चोरी गरी प्रयोग नगर्न आग्रह गरेको छ ।
केन्द्रले चुहावट नियन्त्रण र बक्याैता संकलनलाइ तिव्र गतिमा अघि बढाएकाे छ । वारम्बार ताकेता गर्दा वा लामाे समयसम्म महसुल नबुझाउने ग्राहककाे लाइन काटी बक्याैता उठाउने काम भइरहेकाे छ ।
