४६ अर्ब लागतमा सानिमा तमोरले २५५ मेगावाटको माथिल्लो तमोर निर्माण गर्दै

काठमाडौं । तमोर सानिमा इनर्जी प्रालिले २५५.२८१ मेगावाटको माथिल्लो तमोर अर्धजलाशय जलविद्युत आयोजनाको निर्माण गर्न विद्युत खरिद सम्झौता (पीपीए) दर निर्धारण  प्रक्रिया अघि बढाएको छ ।

कम्पनीले आयोजनाबाट उत्पादन हुने बिजुली बेच्न विद्युत नियमन आयोगमा दर निर्धारण र विद्युत खरिद सम्झौता (पीपीए) का लागि निवेदन दिएको हाे । आयोगले पीपीए दर निर्धारण र सम्झौताको स्वीकृतिका लागि भदौ ३० गते सार्वजनिक सुनुवाइको आयोजना गरेको छ ।

नेपाल विद्युत प्राधिकरणबाट प्रस्तावित आयोजनाबाट उत्पादन हुने विद्युत खरिद, बिक्री दर वर्षायाममा ४.८० रुपैयाँ प्रतियुनिट, सुक्खायाममा (पिकिङ अवधिका लागि) १०.५५ रुपैयाँ र नन–पिकिङ अवधिका लागि ८.४० रुपैयाँ छ । आयोजनाको पिकिङ अवधि ६ घण्टा छ ।

आयोजना पू्रा गर्न ४५ अर्ब ९५ करोड ५० लाख रुपैयाँ लागत अनुमान गरिएको छ । आयोजनाबाट वार्षिक १ अर्ब ४७ करोड ९८ लाख युनिट बिद्युत ऊर्जा उत्पादन हुने अध्ययनले देखाएको छ । जसअनुसार १ अर्ब ३ करोड ३६ लाख र सुक्खायाममा ४४ करोड ६२ लाख १६ हजार युनिट बिजुली उत्पादन हुने छ । अर्धजलाशय आयोजनाले सुक्खायाममा ६ घण्टासम्म पूर्ण क्षमतामा बिजुली उत्पादन गर्नेछ ।