ऊर्जा खबर
काठमाडौं । एक महिनामा करिब ३०० मेगावाटका जलविद्युत आयोजनाले उत्पादन अनुमतिका लागि विद्युत विकास विभामा आवेदन दिएका छन् । आर्थिक वर्ष (आव) २०८०/८१ काे साउन महिनामा मात्र अध्ययन पुरा भएका ४ जलविद्युत आयोजनाले उत्पादन अनुमतिका लागि आवेदन दिएका हुन् ।
अध्ययन पुरा भएको २९५.२५ मेगावाका ४ आयोजनाले उत्पादन अनुमतिका लागि आवेदन दिएको विभागले जनाएको छ । विभागका अनुसार आवेदन दिएका आयोजनामध्ये सबै भन्दा ठुलो २१६ मेगावाटको बझाङ अप्पर सेती जलविद्युत आयोजना रहेको छ । समृद्धि इनर्जी लिमिटेडले अध्ययन पुरा गरेको यस आयोजनाले उत्पादन अनुमतिका लागि साउन १२ गते आवेदन दिएको छ ।
४३.२ मेगावाटको चिलुन खोला जलविद्युत आयोजनाले पनि साउन १७ गते उत्पादन अनुमतिका लागि आवेदन दिएको छ । याे आयोजना अध्ययन हनुमान हाइड्रो पावर प्रालिले गरेको हो । साथै, ३५.१५० मेगावाटको माथिल्लो अप्सुवाले पनि साउन १४ गते उत्पादन अनुमतिका लागि आवेदन दिएको विभागकाे तथ्यांकमा छ । राम जानकी हाइड्रो पावर प्रालीले अध्ययन पूरा गरी उत्पादन अनुमतिका लागि विभागमा आवेदन दिएकाे हाे।
आवेदन दिएका आयोजनामध्ये सबैभन्दा सानो गार्जन खोला स्मल जलविद्युत आयोजना रहेको छ । यस आयोजनाको आइस ल्यान्ड पावर प्रालिले अध्ययन पुरा गरी साउन १८ गते उत्पादन अनुमति लागि आवेदन दिएको छ ।
यसैगरी, साउनमा ६.२ मेगावाटको तल्लो खानी–बी र ९.१४ मेगावाटको सुपर घलेम्दी जलविदुत आयोजनाले उत्पादन अनुमति पाएकाे विभागकाे तथ्यांकमा उल्लेख छ ।
