ऊर्जा खबर
काठमाडौँ । पूर्वप्रधानमन्त्री एवं नेपाली कांग्रेसका सभापति शेरबहादुर देउवाले विदेशी लगानीकर्ताका लगानीलाई बाधा उत्पन्न नहुने गरी सबै राजनीतिक दल मिलेर काम गर्ने प्रतिबद्धता जनाएका छन् । तेस्रो लगानी सम्मेलनको उद्घाटन समारोहलाई सम्बोधन गर्दै आइतबार उनले यस्तो प्रतिबद्धता जनाएका हुन् ।
नेपाली कांग्रेसले नै नेपालमा खुला बजार नीति ल्याएको भन्दै त्यसपछि नै नेपालमा विदेशी लगानीका लागि खुला गरिएको बताए । अहिले पनि नीतिगत सुधारका कामहरू बाँकी रहेको उनको भनाइ छ । कांग्रेसले सुरु गरेको सुधारले पूर्णता अझै पूर्णता नपाएको भन्दै सरकारसँग सहकार्य गरेर आर्थिक सुधारलाई अघि बढाउने प्रतिबद्धता जनाउँदै लगानीका लागि हिचकिचाउनु नपर्ने जनाए ।
‘अर्थतन्त्र सुधारमा सरकारले सकारात्मक सहकार्य अगाडि बढाउन आवश्यक छ,’ उलने भने, ‘नेपालमा लगनीकर्ता भित्र्याउन राजनीति दलहरूमा कुनै पनि विवाद पनि छैन । लगानीकर्ताले लगानी गर्न हिचकिचाउनु पर्दैन ।
नेपाल भारत र चीनको बीचमा रहेकोले बजारका हिसाबले यो क्षेत्र विश्वका लगानीकर्तालाई अवसरपूर्ण रहेको बताए । नेपालमा पूर्वधार नेपालको पर्यटन, ऊर्जा, उत्पादन क्षेत्र, खानी, सूचना प्रविधिलगायत क्षेत्रमा लगानीको ठूलो अवसर रहेका बताए ।
नेपालमा अहिले धेरै दक्ष जनशक्ति रहेको र नेपाल धेरैभन्दा धेरै विदेशी लगानी भित्र्याउन चाहिरहेको उनले बताए । ‘यसका लागि नेपाली कांग्रेसले वर्तमान सरकारलाई सहयोग पनि गर्दछ,’ उनले भने, ‘नेपालमा अहिले धेरै पीपीपी मोडलमा परियोजनाहरू अगाडि बढेका छन् । धेरैजसो काम म प्रधानमन्त्री हुँदा अघि अगाडि बढेका हुन् । अझै पनि छिटो छरितो लाइसेन्स र अनुमतिमा समस्या रहेको बताउँदै उनले त्यसमा सुधारको काम भइरहेको जनाए ।
विदेशी लगानीकर्ताका लागि आवश्यक अन्य नीतिगत सुधारको काम निरन्तर भइरहेको उनले बताए । नेपालमा धेरै बहुराष्ट्रिय कम्पनीले राम्रो लाभांश लिइरहेको अवस्था हेरेर पनि यहाँ लगानी उपयुक्त रहेको स्पष्ट हुने उनले बताए ।
