एक वर्षमा २ लाख बढी विद्युतीय चुलो आयात

काठमाडौं । नेपालमा विद्युतीय चुलाेकाे आयात र प्रयाेग व्यापक रुपमा बढीरहेकाे छ । आन्तरिक विद्युत खपत बढाउने चर्चा व्यापक चलिरहँदा एक वर्षको अवधिमा नेपालमा २ लाख बढी विद्युतीय चुलो आयात भएको छ ।

भन्सार विभागले सार्वजनिक गरेको गत आर्थिक वर्ष (आव) २०७९/८० को तथ्यांकअनुसार २ लाख ४ हजार ३ सय ९३ वटा विद्युतीय चुलो भित्रिएको छ । आवकाे साउनदेखि असारसम्मकाे अवधिमा १ लाख ३० हजार ७ सय ४५ वटा इन्डक्सन र ७३ हजार ६ सय ४८ वटा इफ्रारेड चुलो भित्रिएको तथ्यांकमा उल्लेख छ ।

अघिल्लाे आव २०७८/७९ को तुलनामा आव २०७९/८० मा विद्युतीय चुलोको आयात बढेको छ । २०७८/७९ मा १ लाख ५८ हजार २ सय ६४ वटा विद्युतीय चुलो भित्रिएको थियो । जसमध्ये १ लाख १६ हजार ८ सय २० इन्डक्सन र ४१ हजार ४ सय ५४ वटा इफ्रारेड चुलो भित्रिएको विभागले जनाएको छ ।