ऊर्जा खबर
काठमाडौं । गुल्मी क्षेत्रका विद्युत आपूर्ति बन्द भएको छ । नेपाल विद्युत प्राधिकरण गुल्मी वितरण केन्द्रले रिडीदेखि बिरवाससम्म ३३ केभी लाइनको नजिक पर्न गएका रुखका हाँगाबिगा काट्ने कार्य गर्ने भएकोले (असोज २८ गते) आज बिहान ८ बजेदेखि साँझ ५ बजेसम्म विद्युत आपूर्ति बन्द गरेको हो ।
गुल्मीदरबार गाउँपालिका, छत्रकोट गाउँपालिका, रुरुक्षेत्र गाउँपालिका र सत्यवती गाउँपालिकाको थानापति, बलेटक्सार, रिमुवा, थोर्गा, पानीटंकी, बम्घा, भेडुवा, श्रीङ्गा, विरवास, लुम्छा, जोहाङ्ग, खैरेनी, अस्लेवा र रानीबास लगायतका ठाउँ स्थानमा विद्युत आपूर्ति प्रभावित भएको छ ।
सबै क्षेत्रको आपूर्ति बन्द गरेर रुखका हाँगाबिगा काट्ने काम सुरु गर्ने तयारी गरेको केन्द्रले जनाएको छ । केन्द्रका अनुसार तोकिएको सयमअगावै काम सम्पन्न भएको निर्धारीत तालिका अगावै सेवा सुरु गरिनेछ ।
