ऊर्जा खबर
काठमाडौं । गृहमन्त्रालयले नेपाल टेलिकमको फाइबरनेटबाट प्रवाहित करेन्टले मृत्यु भएका सन्जिप जिसीको ज्यानमुद्दा निवेदन दर्ता गर्न निर्देशन दिएको छ । प्रहरी वृत महाराजगंजले मुद्दा दर्ता गर्न नमानेपछि पीडितका आफन्तले गुहार माग्दै मन्त्रालयमा पुगेका थिए । साेहीअनुरुप मन्त्रालयले मुद्दा दर्ता गर्न निर्देशन दिएको हो ।
टेलिकमलाई दोषी ठहर गरी कारबाहीको माग राख्दै पीडितका पिता हिराबहादुर जिसीले गृहमन्त्रीलाई निवेदन पेश गरेका थिए । सोहीअनुसार मन्त्रालयले मुद्दा दर्ता गरी कारबाही गर्न प्रहरी वृतलाइ निर्देशन दिएको छ ।
याे पनि पढ्नुहाेस: टेलिकमले थापेको विद्युतीय धरापले ३० वर्षीय सञ्जिवको ज्यान लियो
स्थायी घर बागलुङ भएका सन्जिपको असार ४ गते बिहान करेन्ट लागेर मृत्यु भएको थियो । यसको सम्बन्धमा टेलिकमले जिम्मेवारी नलिएपछि जिसी परीवारले महाराजगन्ज प्रहरीमा उजुरी दिएका थिए । उजुरी दिएपनि टेलिकमले फाइबर नेटबाट करेन्ट प्रवाह हुन नसक्ने भन्दै यसको जिम्मेवारी लिन अस्विकार गरेपछि आवश्यक कारबाहीका लागि काठमाडौं महानगरपालिका–३ मा कारबाहीका लागि पहल गरेका थिए ।
नेपाल विद्युत प्राधिकरणले भने प्राधिकरणको गल्ति भेटिएमा नियमअनुसार मूल्यांकन गरेर क्षतिपूर्ति दिने जनाएको थियो । टेलिकमले फाइबर नेटको तारबाट करेन्ट प्रवाह हुन नसक्ने दाबी गर्दै आएको छ भने प्राधिकरणले आफ्नो नाङ्गो तारबाट टेलिकमले फाइबरको तार सुरक्षित नगरी घरसम्म पुर्याएको हुँदा दुर्घटना हुन सक्ने जनाएको छ ।
याे पनि पढ्नुहाेस: फाइबर नेटबाट प्रवाहित करेन्टले जिसीको मृत्यु, टेलिकम दोष पन्छाउँदै सम्पर्क बाहिर
सञ्जिवको मृत्यु हुनु अगाडिदेखि नै उनका बुबाले निरन्तर टेलिकम तथा प्राधिकरणमा यसबारे गुनासो लेखाएको बताउँछन् । जिसी परिवारको निरन्तरको गुनासोपछि पनि समस्या समाधान भएन र टेलिकमको फाइबर नेटको तारबाट प्रवाहित करेन्ट लागेर सञ्जिवको मृत्यु भएको थियो ।
टेलिकम तथा विद्युत प्राधिकरणको समन्वय अभाव र गैरजिम्मेवारीका कारण एउटा निर्दोष युवाले ज्यान गुमाउनु समाज तथा राज्यकै लागि दुःखद विषय हो ।
याे पनि पढ्नुहाेस: प्रहरीले ज्यानमुद्दा दर्ता गर्न नमानेपछि करेन्टपीडितले गृह मन्त्रालयमा निवेदन दिए
