ऊर्जा खबर
काठमाडौँ । नेपाल विद्युत् प्राधिकरणले सडक बत्तीको बक्यौता महसुल किस्ताबन्दीमा बुझाउन स्थानीय तहहरूलाई आग्रह गरेको छ । प्राधिकरणले आइतबार एक सूचना जारी गर्दै प्राधिकरणको संरचनामा सडक बत्ती जडान गरी विद्युत् उपभोग गरेका स्थानीय तहहरूले बढीमा ६० किस्तामा थप दस्तुरसहितको बक्यौता महसुल बुझाउन आग्रह गरेको हो ।
प्राधिकरण सञ्चालक समितिको निर्णय अनुसार किस्ताबन्दीमा महसुल बुझाउने सुविधा दिइएको जनाइएको छ । सडक बत्तीको महसुल बुझाउन बाँकी स्थानीय तहले सूचना जारी भएका मितिले ४५ दिनभित्र सम्बन्धित वितरण केन्द्रमा सम्पर्क गरी किस्ताबन्दीका लागि आवेदन दिन आग्रह गरेको छ ।
प्राधिकरणका अनुसार स्थानीय तहले तिर्नुपर्ने सडक बत्तीको महसुल करिब ६ अर्ब ८० करोड रुपैयाँ बक्यौता छ ।
