ऊर्जा खबर
काठमाडौं । नेपाल टेलिकमले सेवा पुर्याइरहेको फाइबरनेटबाट प्रवाहित करेन्टले मृत्यु भएका सन्जिप जिसीको मुद्दा प्रहरीले दर्ता गर्न नमानेपछि पीडितका आफन्तले गृह मन्त्रालयको ढोका ढक्ढक्याएका छन् ।
टेलिकमलाई दोषी ठहर गरी कारबाहीको माग राख्दै पीडितका पिता हिराबहादुर जिसीले गृह तथा उप–प्रधानमन्त्री नारायणकाजी श्रेष्ठलाई सम्बोधन गरी निवेदन दर्ता गराएका छन् ।
जिसीका अनुसार प्रहरी वृत्त महाराजगंजमा ज्यान सम्बन्धिको जाहेरी दरखास्त दर्ता गर्न बारम्बार आग्रह गर्दा पनि बेवास्ता गरिएको र आजसम्म पनि दर्ता नगरि भपाई नदिई अनुसन्धान अघि नबढाएकोले सो जाहेरी दरखास्त तुरुन्त दर्ता गर्न गृह तथा उप–प्रधानमन्त्रीलाई निवेदन पेश गरेको हाे ।
स्थायी घर बाग्लुङ भएका सन्जिपको असार ४ गते बिहान मृत्यु भएको थियो । यसको सम्बन्धमा टेलिकमले जिम्मेवारी नलिएपछि परीवारले महाराजगंज प्रहरीमा उजुरी दिएका थिए । सञ्जिवको मृत्यु हुनु अगाडिदेखि नै उनका बुवा हरि जिसीले निरन्तर टेलिकम तथा प्राधिकरणमा यसबारे गुनासो लेखाएको बताउँछन् । जिसी परिवारको निरन्तरको गुनासोपछि पनि समस्या समाधान भएन र टेलिकमको फाइबर नेटको तारबाट प्रवाहित करेन्ट लागेर सञ्जिवको मृत्यु भएको थियो ।
याे पनि पढ्नुहाेस्
टेलिकम गैरजिम्मेवार बनेपछि मृतकका आफन्तले गृह मन्त्री गुहार्दै
