ऊर्जा खबर
काठमाडौं । नेपाल विद्युत प्राधिकरणले पाटन पुल्चोक र टेकु पुल्चोक फिडरको विद्युत सेवा बन्द गर्ने भएको छ । प्राधिकरण पुल्चोक वितरण केन्द्रले ट्रान्सफर्मर स्टालेसन (स्थापना) को लागि सेवा बन्द गर्न लागेको हो ।
फिडर अन्तर्गत पर्ने विभिन्न स्थानमा नयाँ ट्रान्सफर्मर राख्नु पर्ने भएकोेले सेवा बन्द गर्न लागिएको केन्द्रले जनाएको छ । केन्द्रका अनुसार शुक्रबार बिहान ११ बजेदेखि विद्युत सेवा बन्द गरेर ट्रान्सफर्मर स्थापना गर्ने काम गरिनेछ ।
अवरुद्ध सेवा साढे ४ बजेबाट सुचारु हुनेछ । विद्युत सेवा बन्द हुँदा यी दुवै फिडरबाट वितरण हुने क्षेत्र प्रभावित हुनेछ । बानेश्वर वितरण केन्द्रको जोरपाटी फिडर पनि बन्द हुने
शुक्रबार जोरपाटी फिडरको विद्युत सेवा पनि बन्द हुने भएको छ । सुन्दरीजल सडक खण्डमा सडक विस्तारको काम भइरहेकोले सेवा बन्द गर्न लागेको बानेश्वर वितरण केन्द्रले जनाएको छ । केन्द्रका अनुसार सोही सडक खण्डको विद्युतीय संरचना पनि स्थानान्तरण गरिनेछ ।
सेवा बिहान ७ बजेदेखि ९ बजेसम्म बन्द हुनेछ । विद्युत सेवा बन्द हुँदा यी फिडरबाट वितरण हुने क्षेत्र प्रभावित हुनेछ । तोकिएको समयअगावै काम सम्पन्न भए निर्धारित समय अगावै सेवा सुरु गर्ने प्राधिकरणले जनाएको छ ।
