कृष्ण प्रसाद भण्डारी
काठमाडौं । लाङटाङ भोटेकोसी हाइड्रो पावर कम्पनीले विभिन्न प्राविधिक पदमा कर्मचारी मागेको छ । कम्पनीले रसुवामा निर्माण हुन लागेकाे १२० मेगावाटको रसुवा भोटेकोसी जलविद्युत आयोजनामा खटाउने गरी १२ जना कर्मचारी मागेकाे हाे ।
कम्पनीले आयाेजना प्रमुख, उप–प्रमुख, प्रशासन प्रमुख पदमा कर्मचारी मागेकाे छ । यी पदमा १/१ जनाले नियुक्ति पाउने कम्पनीले जनाएकाे छ ।
आयोजना प्रमुखका लागि आवेदन दिन सम्बन्धित क्षेत्रमा १० वर्ष काम गरेकाे अनुभव मागिएकाे छ । उप–प्रमुख पदका लागि ७ वर्षको अनुभव भएको हुनुपर्नेछ । दुवै पदका लागि चिनियाँ तथा अंग्रेजी भाषााकाे राम्राे ज्ञान भएका आवेदककाे छनाेट हुने सम्भावना बढी हुने कम्पनीले जनाएकाे छ ।
यस्तै, प्रशासन प्रमुख पदमा आवेदन दिन सम्बन्धित क्षेत्रमा ५ वर्ष काम गरेको अनुभव हुनुपर्ने सूचनामा जनाइएकाे छ । आयाेजनामा खटाउने गरी ३ जना सिभिल इन्जिनियर, २ /२ जना इलेक्ट्रिक इन्जिनियर तथा मेकानिकल इन्जिनियर पनि मागिएकाे छ । यी पदमा आवेदन दिन सम्बन्धित क्षेत्रमा ४ वर्षको अनुभव भएको हुनुपर्नेछ ।
१ जना भाषा अनुवादक र १ जना लेखापाल मागिएकाे छ । यसका लागि पनि सम्बन्धित क्षेत्रमा ३ वर्षको अनुभव भएको हुनुपर्ने कम्पनीले जनाएको छ ।
योग्यता पुगेका इच्छुक व्यक्तिले आफ्नो वायोडाटा, कार्यानुभवको प्रमाणपत्र र पासपोर्ट साइटको फोटोसहित आवेदन दिनुपर्नेछ ।याेग्य आवेदकले कम्पनीको इमेल [email protected] मा शुक्रबारभित्र आवेदन दिनुपर्नेछ ।
