ऊर्जा खबर
काठमाडौं । मुस्ताङमा १३.६ मेगावाटको थापा खोला जलविद्युत आयोजना निर्माण गरी सञ्चालनमा ल्याएको माउण्ट कैलाश हाइड्रो पावार कम्पनीको वार्षिक साधारणसभा चैत २८ गते (सोमबार) हुने भएको छ । कम्पनीको सञ्चालक समितिको बैठकले उक्त निर्णय गरेको हो ।
कम्पनीका अनुसार उक्त साधारणसभामा वार्षिक प्रतिवेदन, वित्तीय विवरण, नाफा/नोक्सान हिसाब नगद प्रवाह लगायत विषयमा छलफल गरी पारित गरिने छ । साथै, आर्थिक वर्ष २०७८/७९ लागि लेखा परीक्षक नियुक्त गरी पारिश्रमिक समेत निर्धारण गर्ने जनाइएको छ ।
विश्वभर फैलिएको कोरोना महामारीका कारण पछिल्ला वर्षहरूमा सभा–समारोह तथा वार्षिक साधारणसभा जस्ता कार्यक्रम अनलाइन (भर्चुअल) माध्यामबाट हुँदै आएका छन् । कम्पनीले पनि यही प्रणालीलाई पछ्याउँदै आफ्नो साधारणसभा भर्चुअल माध्यामबाट नै गर्ने जनाइएको छ ।
