ऊर्जा खबर
काठमाडौं । नेपाल विद्युत प्राधिकरणका २ कार्यकारी निर्देशकसहित ४५ कर्मचारीहरूले २०७९ कात्तिक र मंसिरमा अनिवार्य अवकास पाउने भएका छन् । उमेर, हद, सेवा अवधि पुगेको र शैक्षिक प्रमाणपत्रका आधारमा यी कर्मचारीले अनिवार्य अवकास पाउन लगेका हुन् ।
प्राधिकरणका विभिन्न कार्यालयमा कार्यरत ४५ कर्मचारीले अनिवार्य अवकास पाउन लागेको प्राधिकरणले जनाएको छ । प्राधिकरणका अनुसार कात्तिकमा १७ र मंसिरमा २८ कर्मचारी अनिवार्य अवकास पाउन लागेका छन् ।
१२ तहमा कार्यरत उपकार्यकारी निर्देशक हरराज न्यौपानेले शैक्षिक प्रमाणपत्रका आधारमा कात्तिक ५ गते अनिवार्य अवकास पाउने भएका छन् । न्यौपाने उत्पादन निर्देशनालयमा कार्यरत छन् । यस्तै, हाइड्रोलिक डिजाइन शाखामा कार्यरत उपप्रबन्धक झलकराम सुवेदीले पनि शैक्षिक प्रमाणपत्रकै आधारमा कात्तिक ६ गते अवकास हुँदै छन् । यस्तै, तह ७ का २, तह ६ का ३, तह ५ का ५, तह ३ का ३ र तह २ का दुई कर्मचारीले कात्तिक महिनामा अनिवार्य अवकास पाउने भएका छन् ।
मंसिरमा पनि एक उपकार्यकारी निर्देशकसहित २८ कर्मचारीले अवकास पाउँदै छन् । एनइए इन्जिनियरीङ कम्पनी लिमिटेडमा कार्यरत उपकार्यकारी निर्देशक माधव प्रसारण कोइरालाले मंसिर १४ गते अनिवार्य अवकास पाउँदै छन् । मंसिरमै ७ तहका १, ६ तहका ६, ५ तहका ७, ४ तहका ५, ३ तहका ४, २ तहका ३ र १ तहका एक कर्मचारीले अनिवार्य अवकास पाउँदै छन् ।
.jpg)
