ऊर्जा खबर
काठमाडौं । भारत आयल कर्पोरेसन (आइओसी) ले नेपालका लागि नयाँ इन्धनको मूल्यसूची पठाएको छ । गत शनिबार (३ गते) नेपाल आयल निगमलाई आइओसीले पेट्रोलको मूल्य कम र डिजेल तथा हवाई इन्धनको मूल्य बढेको मूल्यसुची पठाएको हो ।
आइओसीले पेट्रोल प्रतिलिटर ४.७९ रुपैयाँ घटाएर पठाएको निगमले सार्वजनिक गरेको विज्ञप्तीमा उल्लेख छ । यस्तै, डिजेलमा प्रतिलिटर २.०२ रुपैयाँ र हवाई इन्धनमा ०.३८ रुपैयाँ बढेर आएको निगमले जनाएको छ ।
यसपछि पनि निगमलाई आगामी १५ दिनमा करिब ३ अर्ब ७४ करोड रुपैयाँ घाटा हुने स्थिति रहेको निगमले जनाएको छ । अहिले पेट्रोल प्रतिलिटर १६० रुपैयाँ, डिजेल र मट्टितेल १४३, हवाई इन्धन १५६ र एलपी ग्याँस प्रतिसिलिण्डर १ हजार ६ सय रुपैयाँ छ ।
