ऊर्जा खबर
.jpg){kind=spacer}
काठमाडौं । विद्युत विकास विभागले वैशाखयता ३० प्रसारण लाइन आयोजनालाई निर्माण अनुमति दिएका छन् । विभागले नेपाल विद्युत प्राधिकरण र निजी ऊर्जा उत्पादकले निर्माण गरिरहेको जलविद्युत आयोजनाको विद्युत प्रवाह गर्न उक्त प्रसारण लाइन आयोजनालाई निर्माण अनुमति दिएको हो ।
निर्माण सम्पन्न भएका, निर्माणाधीन र निर्माणमा जाने आयोजनाको विद्युत प्रवाह गर्ने उदेश्यले सरकार तथा निजी क्षेत्रले अध्ययन पूरा गरेकाे आयोजनालाई निर्माण अनुमति दिएको विभागले जनाएको छ । विभागका अनुसार यी अहिले यी आयोजना निर्माणका प्रक्रियामा छन ।
४०० केभीका ३, १३२ केभीका १४ र ३३ केभीका १३ आयोजनाले अनुमति पाएकाे विभागले जनाएकाे छ । ४०० केभी क्षमताका फुकोट–बेतन, बेतन–दोदोधारा र दोदोधारा–कर्मदेभ प्रसारण लाइन आयोजनाले २०७९ भदौ ३१ गते एकैदिन निर्माण अनुमति पाएको थिए । उक्त ३ प्रसारण लाइन आयोजनाकाे निर्माण अनुमति राष्ट्रिय प्रसारण ग्रीड कम्पनी लिमिटेडले पाएकाे हो ।
यसैगरी, १३२ केभी क्षमताका नामार्जुन मादी, सान्जेन हाइड्रो इलेक्ट्रीक, सेती नदी, लालबन्दी-सलेमपुर, सुर्खेत-दैलेख, अमरपुर–ढुंगेसाँघु, मध्येमेवा ढुंगेसाँघु लगायत अन्य ८ प्रसारण लाइन आयोजना निर्माण अनुमति पाएको विभागको वेपसाइटमा उल्लेख छ ।
३३ केभी क्षमताका अप्पर मिदिम हाइड्राे, अप्पर पिलुवा खोला–२, अप्पर फावा खोला, रातोढुंगा-अप्पर म्याग्दी १ र घार खोलालगायत अन्य ८ वटा प्रसारण लाइनले निर्माण अनुमति पाएका छन ।
