ऊर्जा खबर
काठमाडौं । ३ जलविद्युत कम्पनीहरूले ६७ लाख कित्ता सेयर निष्कासन गर्ने भएका छन् । यी कम्पनीहरूले प्रभावित स्थानीय र सर्वसाधारणका लागि छुट्याएको सेयर निष्कासन गर्न नेपाल धितोपत्र बोर्ड (सेबोन) मा आवेदन दिएका छन् ।
मध्य सोलु हाइड्रो पावर लिमिटेड, मनाकामना इन्जिनियरिङ हाइड्रो पावर लिमिटेड र माथिल्लो मैलुङ खोला जलविद्युत लिमिटेडले जम्मा ६७ लाख ९६ हजार ८ सय कित्ता सेयर निष्कासन गर्ने तयारी गरेका छन् ।
मध्य सोलुले सय रुपैयाँ अंकित १४ लाख ९६ हजार ८ सय कित्ता सेयर निष्कास गर्न २०७९ माघ ११ गते बोर्डमा आवेदन पेश गरेको छ । कम्पनीले सेयर निष्कासन गरी बाँडफाँड गर्न एन आई सी एसिया क्यापिटल लिमिटेडलाई बिक्री प्रबन्धक नियुक्त गरिएको छ ।
यसैगरी, मनाकामना इन्जिनियरिङले सय रुपैयाँ अंकित २ लाख ८० हजार कित्ता सेयर निष्कासन गर्ने तयरी गरेको छ । कम्पनीले उक्त सेयर निष्कासन अनुमतिका लागि २०७९ माघ १६ गते बार्डमा आवेदन दिइएको छ । कम्पनीले सर्वसाधारण र प्रभावित स्थानीयका लागि सेयर निष्कासन गरी बाँडफाँड गर्न बि ओके क्यापिटल लिमिटेडलाई बिक्री प्रबन्धक तोकिएको छ ।
माथिल्लो मैलुङले २ लाख ५० हजार कित्ता सेयर निष्कासन गरी बाँडफाँड गर्न सानिमा क्यापिटल लिमिटेडलाई बिक्री प्रबन्धक तोकिएको छ । कम्पनीले उक्त सेयर निष्कासन अनुतिका लागि २०७९ फागुन ३ गते सेबोनमा आवेदन दिएको छ ।
बोर्डबाट सेयर निष्कासन अनुमति पाउने लगतै पहिलो चरणमा प्रभावित स्थानीयका लागि निष्कासन गरिनेछ र दोस्रो चरणमा सर्वसाधारणका लागि निष्कासन गरिनेछ ।
.jpg)