ऊर्जा खबर
काठमाडौं । मन्दाकिनी हाइड्रो पावर लिमिटेडको सेयर आवेदन खुल्ला भएको छ । कम्पनीको कास्की जिल्लाको सार्दी खोलामा रहेको ४ मेगावाको सार्दी जलविद्युत आायोजनाले सर्वसाधारणका लागि छुट्याएको साधार सेयर आवेदन खुल्ला गरिएको हो ।
सय रुपैयाँ अंकित ११ करोड ७६ लाख ७ हजार ३ सय रुपैयाँ बराबरको ११ लाख ७३ कित्ता सेयर निष्कासन गरिएको कम्पनीले जनाएको छ । कम्पनीका अनुसार निष्कासन हुने सेयर मध्ये ५ प्रतिशत हुन आउने अर्थात ५८ हजार ८ सय ३ कित्ता सामूहिक लगानी कोषका लागि, २ प्रतिशत हुन आउने अर्थात २३ हजार ५ सय २१ कित्ता सेयर कम्पनीका कर्मचारीका लागि छुट्याएको छ ।
बाँकी रहेको १० लाख ९३ हजार ७ सय ४९ कित्ता सेयर सर्वसाधारणले आवेदन दिन पाउनेछन् ।
सर्वसाधारणले छिटोमा १२ गतेसम्म र ढिलोमा साउन २३ गतेसम्म आवेदन दिन सक्नेछन् । आवेदकले न्यूनतम १० कित्तादेखि अधिकतम १ लाख कित्तासम्म आवेदन दिन पाउनेछन् ।
कम्पनीको सेयर निष्कासन गरी बाँडफाँड गर्न बिओके क्यापिटललाई बिक्री प्रबन्धक तोकिएको छ । कम्पनीको कास्की जिल्लाको सार्दी खोलामा रहेको ४ मेगावाटको सार्दी जलविद्युत केन्द्रले २०७४ मंसिर २३ गतेदेखि निरन्तर विद्युत उत्पादन गरिरहेको छ ।
.jpg)