ऊर्जा खबर
काठमाडौँ । हिमालय ऊर्जा विकास कम्पनी लिमिटेडले २३ र २४ औँ संयुक्त वार्षिक साधारण सभा गर्ने भएको छ । कम्पनीको २०८१ पौष २ गते बसेको सञ्चालक समितिको बैठकको निर्णयअनुसार साधारण सभा गर्ने निर्णय गरेको हो ।
कम्पनीले सभामा आर्थिक वर्र्ष २०७९/८० र ०८०/ ०८१को वासलात, नाफा–नोक्सान हिसाव र नगद प्रवाह लगायतका वित्तिय विवरणहरु छलफल तथा स्वीकृत गर्ने सम्बन्धमा छलफल गर्ने निर्णय गरेको छ । साथै २०८१/०८२ को लेखापरीक्षक नियुक्ती र निजको पारिक्षमिक उपर छलफल गर्ने जानकारी गराएको छ ।
कम्पनीले पौष १२ गते एकदिनको बुक–क्लोज राख्ने जानकारी पनि गराएको छ । सभा पौष २६ गते अर्पण बैक्विट थापागाऊँ काठमाडौँमा बिहान ११ बजे हुने बताएको छ ।
कम्पनीको रामेछापमा १२ मेगावाटको उपल्लो खिम्ती र ७ मेगावाटका माथिल्लो खिम्ती जलविद्युत् आयोजना सञ्चालनमा छन् । यी आयोजनाको करिब ६० करोड रूपैयाँ विद्युत् खेर गएपछि राष्ट्रिय प्रसारण प्रणालीमा जोडिएको थियो ।
