ऊर्जा खबर
काठमाडौं । नबिल बैंक लिमिटेडका ३९ वटा शाखा कार्यालय आज (मंगलबार, जेठ ४ गते) ४ घण्टा खुल्ला हुने भएका छन् । विश्वव्यापी रुपमा फैलिएको कारोना भाइरसका कारण शाखा कार्यालयहरू सीमित समयका लागि खोल्न लागिएको हो ।
मंगलबार बिहान १० बजेदेखि २ बजेसम्म शाखा कार्यालय खुल्ला रहने बैंकले जानकारी दिएको छ । बैंकका अनुसार प्रदेश–१ का ६, प्रदेश–२ का ८, बागमतीका ११, गण्डकीका ४, लुम्बिनीमा एक, कर्णालीका ४ र सुदूरपश्चिमका ५ शाखा कार्यालय खुल्ला रहनेछन् ।
प्रदेश–१ का विराटनगर, दुहबी, गाईघाट, कञ्चनबारी, खाँदबारी र महेन्द्रचोक तथा प्रदेश–२ का वीरगन्ज, जनकपुर, लहान, सिराहा, बर्दिबास, गोलबजार, पावरहाउस र मिर्चैया शाखा खुल्ला रहनेछन् । यता बागमतीका भैंसेपाटी, हात्तीगौंडा, सिनामंगल, सूर्यविनायक, तीनधारा र त्रिपुरेश्वर शाखा खुल्नेछन् । हाकिम चोक, हेटौडा, नारायणगढ, पर्सा बजार र टाँढी शाखा भने १ बजेसम्म मात्र खुल्ने बैंकले जनाएको छ ।
गण्डकीका पोखरा लेकसाइड र अमरसिंह चोक शाखा ११ बजेदेखि २ बजेसम्म खुल्नेछन् भने दलदले शाखा १० बजेदेखि १२ बजेसम्म खोलिनेछ । उता बेँसीसहर शाखा ४ घण्टा खुल्ला रहनेछ ।
लुम्बिनीको नेपालगंज शाखा १ बजेसम्म मात्र खुल्ला रहनेछ । कर्णालीको बराहताल, दार्मा, पचालझरना र पलाता शाखा खुल्नेछन् । सुदूरपश्चिम प्रदेशको आलिताल, पञ्चेश्वर, रामारोशन, सायल र तुर्माखाँद खुल्ला रहनेछ । कोरोना भाइरसको रोकथाम तथा नियन्त्रणका लागि गरिएको लकडाउनका कारण बन्द बैंक सोमबार पनि केही घन्टा खुल्ला गरिएको थियो ।
