ऊर्जा खबर
काठमाडौं । सांग्रिला विकास बैंकले ७५ करोड रुपैयाँ बराबरको ऋणपत्र निष्कासन गर्न अनुमति पाएको छ । नेपाल धितोपत्र बोर्डले ‘सांग्रिला विकास बैंक डिवेन्चर २०७८’ निष्कासनको अनुमति दिएको हो ।
वार्षिक ९ प्रतिशत ब्याज दिने गरी प्रतिडिवेन्चर (कित्ता) १ हजार रुपैयाँ मूल्यको ७ लाख ७५ हजार डिवेन्चर सर्वसाधारणका लागि निष्कासन गरी बाँडफाँड गरिने बैंकले जनाएको छ । बैंकका अनुसार निष्कासन हुने कूल डिवेन्चरमध्ये ४ लाख ५० हजार कित्ता हुन आउने ४५ करोड रुपैयाँ बराबरको डिवेन्चर सर्वसाधारणका लागि तथा ३ लाख कित्ता हुन आउने ३० करोड मूल्यको ५ प्रतिशत (१५ हजार कित्ता) सामूहिक लगानी कोषका लागि छुट्याइएको छ ।
बोर्डको स्वीकृति पाइसकेकाले जेठभित्र डिवेन्चर निष्कासन गर्ने बैंकको तयारी छ । ऋणपत्र निष्कासन तथा बाँडफाँडका लागि एनआइबिएल एस क्यापिटललाई बिक्री प्रबन्धक नियुक्त गरिएको छ । देशभर बैंकका ९५ शाखा कार्यालय, ३१ एटिएम बुथ छन् ।
.jpg)
