ऊर्जा खबर
काठमाडौं । मनाङ जिल्लाको नासो र चामे गाउँपालिकामा निर्माण हुन लागेको १३५ मेगावाटको मनाङ मर्स्याङ्दी जलविद्युत आयोजनामा खटाउने गरी १० कर्मचारी माग गरिएको छ । मनाङ मर्स्याङ्दी हाइड्रो पावर कम्पनीले निर्माण गर्न लागेको आयोजनाका लागि कर्मचारी माग गरिएको हो ।
एक जना व्यावसायिक प्रबन्धक, एक जना सुरक्षा निर्देशक, एक जना सिभिल इन्जिनियर, २ जना डिजाईन इन्जिनियर, एक जना सुरक्षा इन्जिनियर, २ जना साइट प्राविधिक, एक जना चाइनिज अनुवादक र एक जना चाइनिज कुक माग गरेको कम्पनीले जनाएको छ ।
व्यावसायिक प्रबन्धक र सुरक्षा निर्देशकका लागि इन्जिनियरीङमा स्नातक गरी ४ वर्षको अनुभव हुनुपर्नेछ । यस्तै, सुरक्षा निर्देशक, सिभिल इन्जिनियर, सुरक्षा इन्जिनियरका लागि पनि इन्जिसनयरीङमा स्नातक गरी ३ वर्षको अनुभव हुनुपर्नेछ ।
साइट प्राविधिक, अनुवादक र कुकका लागि सम्बन्धित क्षेत्रमा ३ वर्षको अनुभव हुने पर्ने कम्पनीले जनाएको छ । इच्छुकले आगामी ७ दिनभित्र आवेदन दिनुपर्नेछ । आवेदकले आवेदन दिदा बायोडाटा, नेपाली नागरिकताकोे प्रमाणपत्र, शैक्षिक योग्यताको प्रमाणपत्रको प्रतिलिपि, पासपोर्ट साइजको फोटोसहित बुझाउनुपर्नेछ । आवेदमध्ये प्रमाणपत्र र सम्बन्धीत क्षेत्रमा बढी कार्यअनुभव भएकाले रोजगरीको अवसर पाउनेछन् ।
.jpg)
