ऊर्जा खबर
काठमाडौँ । नलगाड हाइड्रो पावर कम्पनी लिमिटेडमा प्रमुख कार्यकारी अधिकृत (सिइओ) काे पदपूर्तिका लागि आवेदन खुलेको छ । कम्पनीले खुला प्रतिस्पर्धाबाट सिइओ छनाेट गर्ने गरी आवेदन माग गरेको हो ।
उक्त पदका लागि आवेदन दिन मान्यता प्राप्त विश्वविद्यालयबाट इन्जिनियरिङ विषयमा स्नाकोत्तर गरेको र जलविद्युत क्षेत्रमा कम्तीमा पनि ४ वर्ष कार्यअनुभव सहित पूर्वाधार क्षेत्रमा कम्तीमा १२ वर्षको कार्य अनुभव हुनुपर्ने कम्पनीले जारी गरेकाे सूचनामा जनाइएकाे छ ।
कम्पनीका अनुसार आवेदन दिन ३५ वर्ष पूरा भई ६१ वर्ष ननाघेको हुनुपर्ने उमेर हद तोकिएको छ । इच्छुक नेपाली नागरिकले ७ दिनभित्र कार्यालय समयमा दरखास्त दिन सक्नेछन् ।
इच्छुक योग्य व्यक्तिले नेपाली नागरिकताको प्रमाणपत्र, शैक्षिक योग्यताको प्रमाणपत्र, व्यवसायिक कार्य अनुभवको उम्मेदवार स्वयंबाट प्रमाणित प्रतिलिपिसहित पेश गर्नुपर्नेछ । सीइओका लागि आवेदन दिने व्यक्तिले व्यवसायिक रणनीति तथा कार्ययोजना समेत पेश गर्नुपर्नेछ ।
यो कम्पनीले जाजरकोटमा ४१७ मेगावाटको नलगाड जलाशययुक्त जलविद्युत् आयोजना निर्माण गर्ने तयारी गरिरहेको छ ।
