२१६ मेगावाटको माथिल्लो त्रिशूली–१ मा खटाउन ५७ प्राविधिक माग

काठमाडौं । नेपाल वाटर एण्ड इनर्जी डेभलपमेन्ट कम्पनीले रसुवामा निर्माण गरिरहेको २१६ मेगावाटको माथिल्लो त्रिशूली–१ जलविद्युत आयोजनामा खटाउने गरी ५७ कर्मचारीको माग गरेको छ । कम्पनीले कस्ट म्यानेजरदेखि ब्लास्टर टेक्निसियनसम्मका प्राविधिक कर्मचारीको माग गरेकाे हो । 

१ जना कस्ट म्यानेजर, २ जना एचएसइ म्यानेजर, १ जना डिजाइन म्यानेजर, २ जना चिफ इन्जिनियर, ३ जना सिभिल प्लानिङ सुपरभाइजर, २ जना संरचनागत डिजाइनर, ३ जना सिभिल इन्जिनियर, ३ जना मेकानिकल इन्जिनियर, ३ जना इलेक्ट्रीकल इन्जिनियर लगायत ५७ कर्मचारीको माग गरेको कम्पनीले जनाएको छ । कम्पनीका अनुसार इच्छुक योग्य व्यक्तिले सूचना प्रकाशित भएको ७ दिनभित्रमा आवेदन दिइसक्नुपर्नेछ ।

आवेदकले आवेदन दिँदा बायोडाटा, नेपाली नागरिकताको प्रमाणपत्र, शैक्षिक योग्यताको प्रमाणपत्रको प्रतिलिपि, पासपोर्ट साइजको फोटोसहित बुझाउनुपर्नेछ । आवेदकमध्ये प्रमाणपत्र र सम्बन्धित क्षेत्रमा बढी कार्यअनुभव भएकाले रोजगारीको अवसर पाउनेछन् ।