ऊर्जा खबर
काठमाडौं । ट्याक (टिएसी) हाइड्रो कन्सल्टेन्सी प्रालि.ले विभिन्न पदमा ७ कर्मचारीको माग गरेको छ । कम्पनीले निर्माणाधीन तथा निर्माणमा जाने तयारीमा रहेका जलविद्युत र सिँचाइ आयोजनाका लागि कर्मचारीको माग गरेको हो ।
२ जना स्थानीय इन्जिनियर, २ जना साइट इन्जिनियर, एक जना हाइड्रो पावर इन्जिनियर, एक जना सिभिल इन्जिनियर, एक जना मेकानिकल इन्जिनियर, एक जना सर्वेक्षणका लागि र एक जना कार्यलय सहयोगका लागि गरी जम्मा ७ जना कर्मचारीको माग गरिएको कम्पनीले जनाएको छ ।
कम्पनीका अनुसार स्थानीय इन्जिनियरका लागि सिभिल इन्जिनियरिङमा स्नातक तह उत्तीर्ण गरी कम्तीमा पनि ५ वर्ष हाइड्रो पावर क्षेत्रमा काम गरेको अनुभव हुनुपर्नेछ ।
साइट इन्जिनियरका लागि स्नातक तह उत्तीण गरी हाइड्रो पावर क्षेत्रमा कम्तीमा पनि ३ वर्ष काम योग्यता हुनेपर्ने छ । हाइड्रो पावर इन्जिनियरका लागि इन्जिनियर विषयमा स्नाकोत्तर तह उत्तीर्ण गरी कम्तीमा पनि २ वर्ष काम गरेको हुनुपर्नेछ ।
सिभिल इन्जिनियरका लागि सिभिल इन्जिनियर विषयमा स्नातक तह उत्तीर्ण गरी कम्तीमा ३ वर्ष काम गरेको हुनेपर्ने कम्पनीले जनाइएको छ । साथै, मेकानिकल इन्जिनियरका लागि सोही विषयमा स्नातक तह उत्तीर्ण गरी हाइड्रो मेकानिकल र इलेक्ट्रो मेकानिकलमा ३ वर्ष काम गरेको चाहिनेछ ।
यस्तै, सर्वेक्षणको लागि इन्जिनियरिङ विषयमा डिप्लोमा गरी कम्तीमा पनि ३ हाइड्रो पावर क्षेत्रमा ३ वर्ष काम गरेको र कार्यलय सहयोगका लागि प्लस टु पास गरेको हुनुपर्नेछ ।
इच्छुक योग्य व्यक्तिले कात्तिक २० गतेभित्र आवेदन दिइ सक्नुपर्नेछ । आवेदक दिँदा बायोडाटा, नेपाली नागरिकताको प्रतिलिपि, शैक्षिक योग्यताको प्रमाणपत्रको प्रतिलिपि र पासपोर्ट साइजको फोटोसहित बुझाउनुपर्नेछ ।
