ऊर्जा खबर
प्रधानमन्त्री शेर बहादुर देउवाले लगानी बोर्ड नेपालले दिगो आर्थिक विकासका लागि सौर्य ऊर्जा, विद्युतीय सवारी साधन तथा स्मार्ट शहरीकरण सम्बन्धित आयोजनाहरुमा अवसरको खोजी गरिरहेको बताएका छन् ।
लगानी बोर्डले बुधबार आयोजना गरेको दिगो पूर्वाधार लगानी फोरम -एसआईआईएफ २०७९) को कार्यक्रममा बोल्दै प्रधानमन्त्री देउवाले उक्त कुरा बताएका हुन् । “लगानी बोर्डको हालसम्मको आयोजनाको अभिलेख र उपलब्धीले नेपाल कार्बन तटस्थ र दिगो पूर्वाधारमा महत्वपूर्ण योगदान गर्न अग्रसर रहेकोे स्पष्ट पारेको छ ।”
आफ्नो स्थापनाकालको एघार वर्षमा लगानी बोर्डले ठूला तथा परिवर्तनकारी पूर्वाधार विकासमा महत्वपूर्ण योगदान पु¥याएको बताउँदै प्रधानमन्त्री देउवाले उक्त प्रयासले नेपालको आर्थिक सामाजिक रुपान्तरण गर्न मद्दत गर्ने विश्वास व्यक्त गरेका छन् । यस अवधिमा बोर्डले ८=७४ अर्ब अमेरिकी डलर बराबरका ३३ आयोजनाहरु प्रमाणीकरण गरेको छ । यसमध्ये २० आयोजनाहरु हरित र स्वच्छ ऊर्जामा आधारित रहेका छन् ।
नेपाल मध्यम आयस्तर मुलुकको दर्जामा स्तरोन्नति लक्ष्यका लागि प्रतिबद्ध रहेको जनाउँदै प्रधानमन्त्री देउवाले मुलुक दिगो विकास लक्ष्य २०३० प्राप्तिका लागि पनि कटिबद्ध रहेको बताएका छन् । यस बाहेक नेपालले उक्त अवधिमा १५,००० मेगावाट स्वच्छ ऊर्जा उत्पादन, २,००० किमी कालोपत्र सडक निर्माण, २०० किमी विद्युतीय रेल निर्माण, ५ वटा अन्तर्राष्ट्र्यि विमानस्थल निर्माण र ५० लाख पर्यटक नेपाल भित्रयाउने लक्ष्य राखेको छ ।
यी मध्ये दिगो विकास लक्ष्य २०३० का लागि मात्र वार्षिक लगभग ६ अर्ब अमेरिकी डलरको लगानी अपुग हुन जान्छ । यस धनराशीको जोहो सरकारी पूँजीबाट मात्र सम्भव हुँदैन । सरकारले सन् २०१९ बाट शुरु भएको पन्ध्रौं आवधिक योजनाका लागि आवश्यक पर्ने ७९ अर्ब अमेरिकी डलर मध्ये ५६ प्रतिशत लगानी निजी क्षेत्र मार्फत परिपूर्ति गर्ने आँकलन गरेको छ ।
.jpg)
