प्रसारण लाइनमा जोखिम बढाउने रुखका हाँगा हटाउँदै महानगर

काठमाडौं । काठमाडौं महानगरपालिकाले उच्च भोल्टेजका प्रसारण लाइनमा अवरोध गर्ने रुखका हाँगा हटाउन सुरु गरेको छ । महानगरले नेपाल विद्युत प्राधिकरणबाट सभागृह हुँदै पद्माेदय मोडसम्म रुखका हाँगा हटाउन थालेको हो ।

प्राधिकरणको अनुरोधपछि प्राधिकरणसँगै सहकार्य गरेर महानगरको जुद्ध वारुण यन्त्र कार्यालयले लाइनमा जाेखिम बढाउने  हाँगा हटाउने काम सुरु गरेको महानगरले जनाएको छ । लाइनमा रुखका हाँगाले छोएर विद्युत अवरोध भएको उल्लेख गर्दै प्राधिकरणले हटाउन अनुरोध गरेपछि काम थालिएको हो ।

जोखिमपूर्ण हाँगाहरू काटेर हटाउने काम सुरु गरेको वारुण यन्त्रका प्रमुख एंव नगर पहरी निरीक्षक प्रकाश पण्डितले बताए । उनका अनुसार काटिएका हाँगाहरू वातावरण तथा कृषि विभागको गाडी प्रयोग गरेर व्यवस्थापन भइरहेको छ ।