ऊर्जा खबर
काठमाडौं । भाेजपुरमा निर्माण हुने साढे १४ मेगावाटकाे माथिल्लाे इर्खुवा खाेला जलविद्युत आयोजनामा कूल लागतकाे ७० प्रतिशत लगानी बैंक तथा वित्तीय संस्थाबाट जुटाइने भएकाे छ । प्रवर्द्धक आरती पावर कम्पनीले स्वदेशी बैंक तथा वित्तीय संस्थाबाट लगानी जुटाएर आयोजना अघि बढाउन लागेकाे हाे ।
आयोजना निर्माण गर्न कूल २ अर्ब ६० कराेड रुपैयाँ लागत अनुमान गरिएकाे छ । जसमा ७० प्रतिशत हुन आउने १ अर्ब ८२ कराेड रुपैयाँ ऋण लगानी बैंक तथा वित्तीय संस्थाबाट जुटाइने कम्पनीले जनाएकाे छ ।
सञ्चालक समितिको बैंठकले गरेको ऋण लगानीकाे प्रस्ताव अब हुने कम्पनीकाे चौथो र पाँचौं वार्षिक साधारणसभाबाट पारित गरेर बैंक तथा वित्तीय संस्थाकाे ऋण लगानी जुटाउन आवश्यक प्रक्रियाकाे थालनी गरिने जानकारी कम्पनीले दिएकाे छ । कम्पनीकाे साधारणसभा आगामी जेठ २७ गते काठमाडौंको हार्दिक होटलमा हुनेछ ।
७८ कराेड रुपैयाँ स्वपुँजी लगानी हुनेछ । बैशाखभित्र बैंक तथा वित्तीय संस्थासँग ऋण लगानी सम्झाैतामा हस्ताक्षर गर्ने कम्पनीकाे तयारी छ ।कम्पनीले आयाेजना अघि बढाउन नेपाल विद्युत प्राधिकरणसँग विद्युत् खरिदबिक्री सम्झौता (पिपिए) गरिसकेकाे छ । कम्पनीले २०७७ जेठ २३ गते विद्युत विकास विभागबाट आयाेजनाकाे उत्पादन अनुमतिपत्र पनि लिइसकेकाे छ ।
बैंक तथा वित्तीय संस्थाकाे लगानी जुटिसकेपछि २०७८ मंसिरदेखि आयाेजनाकाे संरचना निर्माणकाे काम सुरु हुनेछ । संरचना निर्माणकाे काम सुरु गर्नुअघि पहुँच सडक, आवासगृह निर्माण लगायतका काम सम्पन्न गरिनेछ ।
आयाेजनाबाट २०८० सालभित्र विद्युत उत्पादन सुरु गर्ने लक्ष्य छ । आयाेजनाले उत्पादन गर्ने विद्युत सीतलपाटी सबस्टेसनमा लगेर जाेडिनेछ । याे आयाेजना सम्पन्न भएपछि वार्षिक ९० गिगावाट घन्टा विद्युत उत्पादन हुने कम्पनीले जनाएकाे छ ।
सुरुमा याे आयाेजनाकाे क्षमता ९.८ मेगावाट थियाे । पछि क्षमता विस्तार गरेर साढे १४ मेगावाट बनाइएकाे हाे ।
