ऊर्जा खबर
काठमाडौं । नेपाल विद्युत प्राधिकरणले शनिबार चितवनका ३ सबस्टेसनकाे विद्युत लाइन काट्ने भएकाे छ । प्राधिकरण हेटाैंडा ग्रिड महाशाखा अन्तर्गतकाे १३२ केभी भरतपुर सबस्टेसन मर्मत गर्न ५ घन्टाका लागि विद्युत लाइन काटिने भएकाे हाे ।
मर्मत अविधभर भरतपुर, चनाैली र पर्सा सबस्टेसनबाट वितरण हुने विद्युत सेवा प्रभावित हुने ग्रिड महाशाखाले जनाएकाे छ । ग्रिड महाशाखाका अनुसार सबस्टेसनकाे मर्मत गर्न बिहान ९ बजेदेखि दिउँसाे २ बजेसम्म विद्युत सेवा अवरुद्ध हुनेछ ।
याे अविधमा सबस्टेसनकाे बसबार कन्डक्टर मर्मत, सिटिपिटि बदली तथा अन्य आवश्यक मर्मत संभारकाे काम हुनेछ । सबस्टेसनकाे मर्मत हुन्जेल ३ वटै सबस्टेसनबाट वितरण हुने फिडर बन्द हुने भएकाले चितवनकाे भरतपुर, टाँडी, पर्सालगायत स्थानकाे विद्युत सेवा प्रभावित हुने प्राधिकरणले जनाएकाे छ ।
तोकिएको समयअगावै काम सम्पन्न भए निर्धारीत समयअगावै सेवा सुरु गर्ने पनि प्राधिकरणले जनाएको छ । प्राधिकरणले सार्वजनिक सूचना निकालेर प्रसारण तथा वितरण लाइनकाे मर्मत गर्दै आएको छ ।
