ऊर्जा खबर
काठमाडौं । नेपाल विद्युत प्राधिकरण पर्वत वितरण केन्द्रको विद्युत सेवा ५ दिनका लागि बन्द हुने भएको छ । केन्द्रले केन्द्र अन्तर्गका वितरण लाइन वरीपरीको रुख, बाँस, घाँस काट्ने, ट्रान्सफर्मर मर्मत तथा लाइन सुधार गर्नका लागि सेवा बन्द गर्न लागेको हो ।
सेवा शनिबार (भदौ २५ गते) देखि बुधबार (२९ गते) सम्म बन्द गरिने केन्द्रले जनाएको छ । केन्द्रका अनुसार बिहान दैनिक बिहान १० बजे सेवा बन्द गरेर मर्मत संभारको काम गरिनेछ र ५ बजे लाइन पून सूचारु गरिनेछ ।
केन्द्रको ११ केभी रत्नेचौर र बडागाँउ फिडरको सेवा बन्द हुनेछ । रत्नेचौर फिडर बन्द हुँदा जलजला गाउँपालिकाको वडा नम्बर ४, ७ र ८ का सम्पूर्ण क्षेत्रलगायत मिलनचोक, लस्ती, फर्से, नाग्लीवाङ, धाईरिङ क्षेत्र प्रभावित हुनेछ ।
यस्तै, वडागाउँ फिडर भने शनिबारमात्र बन्द हुनेछ । यो फिडर बन्द हुँदा हस्पिटल, अदालत, कटुवाचौपारी, ज्ञादी, मलमेडाँडा प्रभावित हुनेछ । तोकिएको समयअगावै काम पूरा भए निर्धारित समयअगावै सेवा सुरु गर्ने पनि केन्द्रले जनाएको छ ।
