ऊर्जा खबर
काठमाडौं । यारु हाइड्रो पावर प्रालिले गोरखाको धार्चे गाउँपालिकाको वडा नम्बर १ मा ३०.५९ मेगावाटको यारु खोला जलविद्युत आयोजना निर्माण गर्ने भएको छ ।
कम्पनीले निर्माण गर्न लागेको आयोजनाको प्रस्तावित वातावरणीय प्रभाव मूल्यांकन (इआइए) प्रतिवेदनमाथि राय/सुझाव मागे गरिएको हो । प्रभावितले आगामी ७ दिनभित्र आफ्नो राय/सुझाव दिनुपर्नेछ ।
आयोजना बाँधबाट ९३ मिटरको टेलरेस, ३६३५ मिटरको हेडरेस सुरुङ, २५७० मिटर लामो पेनस्टक पाइपमार्फत पानीलाई विद्युतगृहमा पुर्याइने गरी डिजाइन तयार गरिएको छ । विद्युतगृहमा ३ वटा टवाईन जडान हुनेछ ।
टवाईनमा जडान भएको जेनेरेटरमार्फत विद्युत उत्पादन गरिनेछ । आयोजना निर्माणका लागि १५.३७ हेक्टर जग्गा आवश्यक पर्ने देखिएको छ । जसमध्ये, ११.७७ हेक्टर स्थायी र ३.६ हेक्टर अस्थायी रूपमा आवश्यक पर्छ । राष्ट्रिय वनको ११.२ हेक्टर र निजी जग्गा ४.२५ हेक्टर आवश्यक पर्ने अध्ययनले देखाएको छ ।
