ऊर्जा खबर
काठमाडौं । नेपाल विद्युत प्राधिकरण रामेछाप वितरण केन्द्रले विद्युत आपूति सुधार गर्नका लागि रामेछाप जिल्लाको साँघुटारमा निर्माण गरिएकाे ३३/११ केभी साँघुटार सबस्टेसन चार्ज भएको छ । निर्माण सम्पन्न गरी सबस्टेसन चार्ज गरिएकाे हाे ।
सबस्टेसन शनिबार (साउन २१ गते) साँझ ५ बजे चार्ज गरिएको हो । सबस्टेसन चार्ज भएसँगै मन्थलीबाट पूर्वि क्षेत्रको विद्युत आपूर्ति सहज भएको केन्द्र प्रमुख कृष्णहरी दाहालले बताए । उनका अनुसार २ वर्षअघि देखि निर्माण सुरु गरिएको सबस्टेसनको काम पूरा भई चार्ज गरिएको हो ।
‘मन्थलीको पूर्वि क्षेत्रमा भोल्टेजमा र ट्रिपिङमा समस्या थियो’, उनले ऊर्जाखबरसँग भने, ‘सबस्टेसन चार्जभएसँगै यीलगायतका समस्या समाधान भएको छ ।’ जिल्ला अर्न्तगतका सबै क्षेत्रमा विद्युत सेवा विस्तार गरिएको छ । उमाकुण्डक गाउँपालिकाको अन्तिम क्षेत्रको गाउँ गुम्देलमा भने सेवा पुर्याउन बाँकी रहेको केन्द्रले जनाएको छ । केन्द्र अन्तर्गत अहिले करिब साढे ३५ हजार ग्राहकले सेवा लिइरहेका छन् ।
