ऊर्जा खबर
काठमाडौँ । अविरल वर्षापछि देशभरि आएको ठूलो बाढीका कारण ४५६ मेगावाटकाे माथिल्लो तामाकोसी निजी क्षेत्रका ७ जलविद्युत्गृहबाट हुने बिजुली उत्पादन पूर्ण रूपमा ठप्प पारिएको छ । ती विद्युतगृहहरू बन्द हुँदा ६४० मेगावाट बराबरकाे बिजुली उत्पादन हुन सकेकाे छैन ।
नेपाल विद्युत् प्राधिकरणका अनुसार शनिबार बिहान १ः४३ बजेदेखि ४५६ मेगावाटको माथिल्लो तामाकोसीको उत्पादन पूर्ण रुपमा ठप्प पारिएको छ । त्यस्तै, शनिबार बिहान ४ः१० बजेदेखि ६० मेगावाटको माथिल्लो त्रिशूली–३ ए र शुक्रबार राति ८ः४६ देखि १० मेगावाटको सुनकोसी गरी प्राधिकरण तथा यसका सहायक कम्पनीको कूल ५२६ मेगावाट बराबरकाे जलविद्युत् उत्पादन हुन सकेकाे छैन ।
यसैगरी, निजी क्षेत्रबाट सञ्चालित ४० मेगावाटको माथिल्लो चमेलिया, ३६ मेगावाटको बलेफी, २० मेगावाटको तल्लो मोदी, १८ मेगावाटको मध्यमोदी बन्द हुँदा कूल ११४ मेगावाट बिजुली उत्पादन ठप्प भएको छ । बाढीका कारण १४४ मेगावाटकाे कालिगण्डकी 'ए'बाट ६० मेगावाट, ८६ मेगावाटकाे साेलु-दूधकाेसीबाट ५० मेगावाट, लिखु–१ बाट ४७ मेगावाट, लिखु–२ बाट २९ मेगावाट, मध्य-तमोरबाट ३८ मेगावाट, प्राधिकरणकाे चमेलियाबाट १४ मेगावाट, मोदीबाट ७ मेगावाट, त्रिशूलीबाट ६ मेगावाट देवीघाट जलविद्युत्गृहबाट ५ मेगावाट बिजुली उत्पादन भइरहेकाे जनाइएकाे छ ।
