ऊर्जा खबर
काठमाडौं । नेपाल विद्युत प्राधिकरण भरतपुर वितरण केन्द्रले ३३/११ केभी भरतपुर सबस्टेसनको ४ वटा फिडरको विद्युत सेवा बन्द गर्ने भएको छ । केन्द्रले नयाँ फिडर परिवर्तन गर्नका लागि सेवा बन्द गरेको हो ।
सबस्टेसनको इन्कमर–२ अन्तर्गतका कल्याणपुर, भृकृटि, औधोगिक लगायतका ४ वटा नयाँ फिडर बदली गर्नका लागि सेवा बन्द गर्न लागिएको वितरण केन्द्र प्रमुख राजिव सिंहले बताए । उनका अनुसार मंगलबार बिहान ८ बजेदेखि सेवा बन्द गरेर फिडर बदली गर्ने तयारी गरिएको छ ।
अवरुद्ध सेवा बेलुका ६ बजेबाट सुचारु हुनेछ । सेवा अवरुद्ध हुँदा यी फिडरबाट वितरण हुने क्षेत्र प्रभावित हुनेछ । केन्द्रले ग्राहकलाई गुणस्तरीय विद्युत सेवा प्रवाह गर्न फिडर बदली गर्न लागेको हो ।
केन्द्रले विद्युत बक्यौता, विद्युतीय संरचना उपकरण प्रयोग गरेवापत केवल नेटवर्क र इन्टरनेट सेवा प्रदायकसँग साजस्व उठाउने कामलाई पनि तिव्र गतिमा अघि बढाएको छ । केन्द्रले भाडा नबुझाउने सेवा प्रदायकको तार काटेर राजस्व उठाउने अभियानलाई तिव्रता दिएको हो ।
