ऊर्जा खबर
काठमाडौं । साल्ट ट्रेडिङ कर्पोरेशनले निशेधाज्ञा अवधिभर खाना पकाउने ग्यासमा २० प्रतिशत छुट दिन बिक्री वितरण गर्न सुरु गरेको छ । साल्ट ट्रेडिङले सरकारले गत जेठ १५ गते आर्थिक वर्ष २०७८/७९ को बजेटमा दिएको छुटको घोषणा कार्यान्यन गर्न खाना पकाउने ग्यासमा सहुलियत दिन सुरु गरेको हो ।
२० प्रतिशत छुटपछि खाना पकाउने ग्यास प्रतिसिलिण्डर ११ सय २० रुपैयाँमा बिक्री गर्न सुरु गरिएको साल्ट ट्रेडिङले जनाएको छ । खाना पकाउने ग्यासमा छुटको सुविधा अहिलेलाई काठमाडौं उपत्यकाभित्र मात्रै लागु भएको छ । छुट मूल्यमा ग्यास लिन ग्राहकले सोधभर्ना गर्ने सिलिन्डर पनि साल्ट ट्रेडिङ ब्राण्डको नै हुनुपर्नेछ ।
अर्थमन्त्री विष्णु पौडेलले एक साताअघि बजेट सार्वजनिक गर्दै खाना पकाउने एपपी ग्यासमा निशेधाज्ञा अवधिभर २० प्रतिशत छुट दिने घोषणा गरेका थिए । यो सुविधा नेपाल आयल निगमले आयात गरी बिक्री वितरण गर्ने खाना पकाउने ग्यासमा भने उपलब्ध छैन ।
