ऊर्जा खबर
काठमाडौं । सानिमा माई हाइड्रो पावर लिमिटेडको उत्पादन आम्दानी घटेपछि खुद नाफा पनि घटेको छ । कम्पनीले सार्वजनिक गरेको वित्तीय विवरण अनुसार आर्थिक वर्ष (आव) २०७९/८० को तेस्रो त्रैमासमा खुद नाफा घटेकाे हो ।
कम्पनीले साउनदेखि चैतसम्मको अवधिमा ३५ करोड ८२ लाख ३० हजार ५०२ रुपैयाँ नाफा आर्जन गरेको सार्वजानिक वित्तीय विवरणमा उल्लेख छ । गत वर्षको तुलनामा कम्पनीको नाफा घटेको देखिएको छ । गत वर्ष यही समयअवधिमा ४५ करोड ६० हजार ७ सय ७० रुपैयाँ खुद नाफा कमाएको थियो ।
यस समयअवधिमा दुई जलविद्युत केन्द्र (२२ मेगावाटको माई खोला र ७ मेगावाटको माई क्यासकेड) को विद्युत बिक्री गरी ६२ करोड ३ लाख ७० हजार ५ सय ५ रुपैयाँ आम्दानी गरेको कम्पनीले जनाएको छ । कम्पनीका अनुसार विद्युत बिक्रीबाट हुने आम्दानी गत वर्षको तुलनामा घटेको हो । गत वर्ष यही समयअवधिमा ७४ करोड ४७ हजार रुपैया आम्दानी गरेको थियो ।
कम्पनीले अन्य स्रोतबाट पनि ६७ लाख ६७ हजार १ सय २९ रुपैयाँ आम्दानी गरेको छ । कम्पनीको २२ मेगावाटको माई खोला र ७ मेगावाटको माई क्यासकेड जलविद्युत आयाृेजना सञ्चालनमा छन् । माई खोलाले २०७१ फागुनदेखि र माई क्यासकेडले २०७२ माघदेखि नियमित विद्युत उतपादन गरिरहेका छन् ।
